Сямейныя вузы (тэлесерыял, Бразілія)
| Сямейныя вузы | |
|---|---|
| Жанр | тэленавела[d] |
| Стваральнік | Мануэл Карлус |
| Сцэнарыст |
Марыя Караліна Вінісіус Віяна Флавія Лінс і Сілва |
| Рэжысёр |
Муасір Гоіс Рыкарду Вадынгтан Ражэрыу Гоміс |
| У ролях | |
| Кампазітар | Алберту Разенбліт |
| Краіна |
 Бразілія |
| Мова | бразільскі варыянт партугальскай мовы[d] |
| Колькасць сезонаў | 1 |
| Колькасць серый | 150 |
| Вытворчасць | |
| Прадзюсар |
Руй Матус Марыстэла Велозу Рыкарду Вадынгтан |
| Працягласць серыі | 45 хвіл. |
| Трансляцыя | |
| Тэлеканал | Глобу |
| На экранах | 5 чэрвеня 2000 — 3 лютага 2001 |
| Храналогія | |
| За гэтым ідзе | Porto dos Milagres[d] |
| Спасылкі | |
| lacosdefamilia.globo.com | |
| IMDb | ID 0249299 |
«Сяме́йныя ву́зы», або «Сяме́йная су́вязь» (парт.: Laços de Família) — серыял Мануэла Карлуса, выпушчаны ў бразільскай тэлекампаніяй «Глобу» у 2000 годзе.
Гэты серыял нароўні з серыялам «У імя кахання» лічыцца лепшым творам свайго аўтара. Усе серыялы Мануэла Карлуса маюць шмат агульнага: галоўная гераіня абавязкова носіць імя Элена, усе назвы серыялаў узаемазамяняльныя, дзеянне адбываецца ў прэстыжным прыбярэжным раёне Леблон у Рыа-дэ-Жанэйра[1], у застаўках абавязкова гучыць музыка Антоніу Карлуса Жабіна.
Гэты праект стаў увасабленнем даўняй задумы сцэнарыста: сутыкнуць маці і дачку ў суперніцтве з-за каханага мужчыны. Без удзелу Веры Фішэр і Тоні Рамуса ён не ўяўляў гэтага серыяла[2]. Толькі Вера, паводле яго меркавання, са сваёй неўвядальнай маладосцю магла сыграць ролю сталай жанчыны, у якую здольны закахацца аднагодак яе дачкі, і толькі Тоні ён бачыў у ролі сумленнага і спакойнага мужчыны, які ўсё разумее і здольнага дараваць здраду дзеля сапраўднага кахання.
Адной з найбольш запамінальных сцэн серыяла, якая суправаджалася песняй Лары Фабіян «Love by grace», стала страта валасоў Камілай, вымушанай пайсці на гэты крок у сувязі са сваёй страшнай хваробай. Запамінальнай стала і роля Капіту, элітнай «дзяўчыны па вызаву», якая прынесла вядомасць актрысе Джаванне Антанелі. Як і ў многіх іншых серыялах Мануэла Карлуса, адну з роляў выконвае яго дачка — Жулія Алмейда. Роля Эду у серыяле «Сямейная сувязь» стала першай для мадэлі Рэйналду Джанекіні .
Першыя серыі серыяла здымаліся ў Токіа[3].
У ролях[правіць | правіць зыходнік]
- Вера Фішэр — Элена — урач-касметолаг, сястра Ірыс, кузіна Педру, маці Камілы і Фрэда, каханая Эду, дачка Алесіу
- Тоні Рамус — Мігел — уладальнік кнігарні ў Леблоне, бацька Сесы і Паўлу, сябар Паскуала
- Жазэ Маер — Педру — кузен Ірыс і Элены, муж Сілвіі, бацька Камілы, кіраўнік стайні Алмы
- Рэйналду Джанекіні — Эду — пляменнік Алмы, каханы Элены ў пачатку серыяла, брат Эстэлы
- Караліна Дыкман — Каміла — дачка Элены і Педру, сястра Фрэда, пляменніца Ірыс
- Дэбора Секу — Ірыс — дачка Інгрыд і Алесіу, кузіна Педру, сястра Элены, цётка Камілы і Фрэда
- Джаванна Антанелі — Капіту — суседка Элены, «дзяўчына па вызаву», маці Бруну, дачка Эмы і Паскуала
- Алешандры Боржыс — Данілу Албукуркі — муж Алмы
- Жулія Фелдэнс — Сеса — дачка Мігела, сястра Паўлу, сяброўка Паты
- Флавіу Сілвіну — Паўлу — сын Мігела, брат Сесы, фатограф
- Луіджы Барычэлі — Фрэд — сын Элены, муж Клары, брат Камілы, бацька Ніны, пляменнік Ірыс
Зноскі
- ↑ Veja on-line Архівавана 28 кастрычніка 2013.
- ↑ Bastidores Laços de Família Архівавана 26 чэрвеня 2010.
- ↑ Memória Globo — Rede Globo Архівавана 23 лютага 2012.
Тэматычныя сайты |
|---|
